kâ-isi-kitâpâhtamahk

kâ-nistwâwakihtêk

ôta 220KM kî-otinênân anima kâ-nistwâwakihtêk tâpowakêhtamowin ôta atoskêwin. kâ-nistwâwakihtêk anima atoskêwin poko nahâpâcikêwin kâ-ayât, ayêsiyiniwak, askiy êkwa soniyâkêwin.

ayêsiyiniwak:

pêyak ôma nîkân ayêsiyiwak ôki tâwayêhk ôta ohci 220km inc. ayêsiyiniw awa kâ-kaskihot ka-wîcihtâsot ôma ka-misi-ohpikik kîkway. kwayas poko nîkân ka-pamihêt ana ayisiyiniw êkwa êkota êkwa kâkî-nîkânêstamâkonaw. ka-miyâyâkik ôki asiyiniwak ka-kiskinwahamâsocik êkwa mîna ka-takwastamâsocik kîkway ê-miywâsinêyik, ka-wîcihitâcik ôma kîkway kâ-tasîkâkik mîna kotak ka-wîcihâcik wîstawâw ôta ôma 220km pokwêsi-isi.

askiy:

askiy ôma êkota kâ-nîswastâyâhk poko ka-kitâpahtamihk tânisi, kikway êkwa tâniki ka-ohpikihtâ kîkway. kayâs ohci awa askiy mistahi âpacihâw ohci kâ-kistikêhk êkwa kâ-ophikhtâhk ka-âsamihcik ayêsiyiniwak. ôta ohci 220km ninohtê-wâpâhtihowânân ôma kwayas-isi ka-kistikêstamâsohk êkwa kwayas askiy ka-ahkam-miywâsin. ka-âpacihta ohi atiht nâway kâ-pê-kistikêstamâsoyâhk mâka mîna kikway kâ-pê-kiskinwahamâsoyahk kwayas kikway ka-ohpikik kinwês ôtê nîkan-isi.

sôniyâkêwin:

awa kâ-wî-osihêt sôniyâw ôta ohci 220km nîswayohk ohci. anima kâ-wî-miywâsik ka-otinamihk kîkway ê-ayâmakahk ita kâ-wîkihk êkwa ka-kiskiyihtamihk êyakohk. anihi kâ-mawasakonamahk mitoni miywâsina. êyako ôhi kâ-miywâsiki ohci askiy êkwa ohci miyo-opikihtwâwin, kwayas mîciwin ka-kistikêstamâsohk êkwa kwayas mîna ka-manâcihtâ askiy, ka-mîskoci-kistikêhk êkwa mîna kotak-isi ka-miskamihk pîtos ka-isi-kistikêhk.

ôma kotak kâ-sôniyâkêhk ôhci 220km anihi nanâtohk maskihkiwi-pimiya. anihi kâ-kiskiyihtamahk ohci anihi kâ-ohpikikihk, wâpakwaniya, wîhkanosa êkwa kiscikânisa ka-otinamihk anihi maskihkiwi-pimiya. ohi pimiya ka-otinamihk kâkî-sôniyâkêstamâsonânawi êkwa mîna ê-maskihikêwiki êkwa miywâsina ohci kâwi-askiy kîkway ka-ohpikik.