Nanaadawi gikenjigaadeg gichi niibna bigoji myaajiigigin miinwaa mitigwog zhiwe bimaadiziimigag nowonj dnowaa aki newen gnowaabmjigaadeg nendowendaagwog bimiden.

Naanaagadwaamdaming zhashki ensa beshig aki niizhing ensa biboon (niibing miinwaa ekwawiiwang dagwaagig) awii dibagaadeg owi bemaadiziimigag kakizhe etemigag.

Naanaagadwaamdaming owi bemaadiziimigag microbial nowonj gego myaajiiging zhiwe zhashkiing zhiwe ensa aki niizhing ensa biboon (niibing miinwaa ekwawiiwang dagwaagig).

Naagzowaabmjigaadeg owi bigoji yaawishag zhiwe biinji owi aki awii waamjigaadeg ezhi miigsewaad owi bimaadiziwin-nitaawichigewin miinwaa myaajiiging zhiwe yaawaad naana biboon apiinish midaaswi biboon minik.

Makigaadeg newen aki ezhinaagwog awii gnowenjigaadeg bezhigwang miinwaa niiniwendaagwog, godaamigag, naniizaanag myaajiiging miinwaa mitigwog owi nikiiyaa wiinge biigaadeg aki gnowaabmijigaadeg miinwaa dibaabijigewin maandonigaadeg (ezhiwebak akiing naagidoong, aki epiichi nibiiwaag, miinwaa age aanin).

Gnowaabmijigaadeg owi nikiiyaa awii ganowenjigaadeg owi nowonj ezhinigaagwog newen nowonj dnowaa bemaadiziimigag zhiwe akiing.

Nisastamang newen aki nengdowendaagwog menezing owi aanji maajiigitoong e’danakiimigag myaajiiging miinwaa mitigog miinwaa age maamowi zhaabiwiimigag miinwaa maajiigiwaad.

Nisastamang newen aki nengdowendaagwog menezing owi aanji maajiigitoong e’danakiimigag myaajiiging miinwaa mitigog miinwaa age maamowi zhaabiwiimigag miinwaa maajiigiwaad. Zhitoong owi nikiiyaan awii bakenigaadeg nendowendaagwog bimiden onji maajiiging abi njibaamigag bwaa nikaazang bimide mashkikiin. Zhichigaadeg wiikaaj dibaabijigewin wiindamaagewin owi miijimiwang gikendamowin newen bigoji myaajiiging owi ado nendowendaagwog bimiden e’digosing nikaazang UV A miinwaa GC Nowoonj Spectrometry.

Maajiishkaachigaadeg aanji maajiiging nitaawigichigaadeg miinwaa aanke maajiigichigen zhichigewinan memaanji miikseg owi e’bigojiging bimaadag miinwaa enji maajiiging.

Nisastamang wiijii-emigag gitigewin miinwaa ezhi madookdaagemigag bkaan dnowaa e’maajiiging zhiwe akiing miinwaa aage nanaagadawaamdamang owi e’temigag epiitendaagwog zhiwe newen nendowendaagwog bimiden e’zhichigaadegin.

Nisastaming owi ezhi aanjisemigag newen bemaadiziimigag naaboon e’digosin newen nendowendaagwog bimiden agaa bakenigaadeg. Makigaadeg newen mashkikiin/aabiziichigewin gnimaa age temigag newen e-beshigong myaajiiging bimiden, 98% gaawii etisinag endinadaaweng miinwaa nondesimigag owi nanaadawi gikenjigewin.

Aanji debaa-ookiing owi nowonj gego myaajiiging odi akiing shkwaa bakenigaadeg newen nendowendaagwog bimiden aanji maajiishkaagin awii nikaazang aanke biboong.

Naagzowaabmjigaadeg owi biiwaabig digosin newen nowonj dnowaa myaajiiging miinwaa nendowendaagwog bimiden e’bimigaadeg awii nisaschigaadeg phytostabilizations owi onji awii nojimomigag aki miinwaa nikaazang newen biiwaabig nanoparticles awii nikaasang miziwe akiing.

Nitaawigitoong nowonj ezhinaagwog wazhashkwedoons zhiwe mitigwaaki naamiyiing myaajiiging awii wiikwaji nowoonj mitigwaaki nikaaziwinan, nowoonj dnowaa zhiwe zhoonyaakewin ezhibideg owi gitigemitigwaaki miinwaa epiitendaagwog aankeseg gewe gaawii nendowenaagizisiwaad mitigwog.

Ndagikenjigaadeg newen bezhigwang miijimiwang epiitendaagwog newen nendowendaagwog bimiden e’bimigaadeg newen washashkwedoonsan adawewin awii adaanding wewiib agwa. Miinwaa age bagidinigaadeg bemaadizijig awii maajiigiwaad miinwaa gikinomondwaa zhiwe gaawii-mitig mitigwaaki nikaaziwinan miinwaa nowonj dnowaa naakiiwin owi mitigwaaki enkiitaagejig.